46. þing SSF verður haldið dagana 10.-11. mars 2016 á Hótel Selfossi. Þingið er skipað 65 fulltrúum frá aðildarfélögum SSF, ásamt gestum. Það eru aðildarfélögin sem skipa/kjósa fulltrúa til setu á þinginu. Á þinginu er mótuð stefna SSF til næstu þriggja ára, ásamt því að gera upp starf stéttarfélagsins síðustu þrjú árin.

Á þinginu er stjórn SSF kosin til næstu þriggja ára. Kjörgengir til stjórnar eru allir fullgildir félagsmenn SSF (allir sem ráðnir eru til lengri tíma en fjögurra mánaða).  Stjórnina skipa 11 félagsmenn og skal kjósa formann, 1. og 2. varaformann hvern fyrir sig, en síðan 8 meðstjórnendur. Einungis er heimilt að bjóða sig fram til tveggja embætta.

Samkvæmt samþykktum SSF er það hlutverk stjórnar SSF að stjórna málefnum félagsins milli þinga.  Stjórnin annast rekstur SSF, kemur að kjaraviðræðum ásamt öðrum málefnum sem upp koma hverju sinni.

Þeir aðilar sem hyggjast bjóða sig fram til stjórnar þurfa að fylla út ,,Tilkynningu um framboð“ og senda skannað eintak á netfangið [email protected] eða afhenda á skrifstofu SSF Nethyl 2e, 110 Reykjavík í síðasta lagi þann 9. febrúar 2016. Nálgast má eyðublað vegna framboðs hér: Eyðublað vegna framboðs

Þeim sem óska frekari upplýsinga um stjórnarkjörið eða tilkynningu um framboð er bent á að hafa samband við kjörnefnd á netfangið [email protected]. Samkvæmt samþykktum SSF hefur stjórn SSF skipað kjörnefnd og í henni sitja Helga Jónsdóttir, Erla Stefánsdóttir, Hallfríður Jónasdóttir, Gunnar Gunnarsson og Hilmar Vilberg Gylfason.

Kjörnefnd SSF