Þeim tilmælum hefur verið beint til atvinnurekenda að laun verði greidd til starfsmanna sem sæta sóttkví að fyrirmælum heilbrigðisyfirvalda. Fjármálafyrirtækin hafa sett ákveðnar reglur fyrir þá starfsmenn sem verða að fylgja ákvörðun sóttvarnarlæknis um sóttkví.

Stjórnvöld hafa gefið það út að tillögur að lagabreytingum sem fela í sér að atvinnurekendur sem greiða starfsmönnum laun í sóttkví geti fengið endurgreiddan kostnað upp að ákveðnu hámarki, enda geti starfsmaður ekki sinnt sínu starfi í fjarvinnu. Gert er ráð fyrir að útfærsla liggi fyrir 13. mars nk.