Kæru félagsmenn, nú þarf að spýta í lófana þessa síðustu sólahringa sem lifa eftir af könnuninni. Frestur til að svara er til miðnættis miðvikudaginn 20. október og enn vantar upp á að við séum fullkomlega ánægð með svörunina.

Eins og þið vitið var launataflan felld niður í síðustu kjarasamningum, og niðurstöður launakönnunar er því ykkar aðaltæki til að bera ykkur saman við aðra í sambærilegum störfum, til að rökstyðja ykkar launakröfur í launaviðtölum. Við þreytumst því ekki á því að ítreka mikilvægi þess að sem flestir svari. Það tekur ekki nema um 10-15 mínútur að svara.

Er því ekki upplagt að drífa sig í að svara, skreppa svo á Bond í bíó í kvöld og hugsa hvað þið ætlið að gera við 1oo.ooo króna vinninginn sem þið mögulega getið unnið með því að svara könnuninni 😊