Auglýsing um framboð til stjórnar SSF

Kosið verður til stjórnar SSF á þingi samtakanna dagana 17-18 mars 2022. Allir fullgildir félagsmenn í SSF geta gefið kost á sér. Atkvæðisrétt hafa kjörnir þingfulltrúar aðildarfélaganna.
Kosið er til þriggja ára.  Í 26.grein samþykkta SSF segir:

„Stjórnina skipa 9 aðalmenn. Kjósa skal formann og 1. og 2. varaformann hvern fyrir sig, en síðan 6 meðstjórnendur úr hópi þeirra félagsmanna sem boðið hafa sig fram til stjórnarsetu samanber 20. gr. samþykkta SSF.

Tryggja skal að hlutfall hvors kyns í stjórn sé ekki lægra en 40% og tryggja skal að formenn séu ekki allir af sama kyni.

Kjörnefnd skal sjá um framkvæmd kosninga og gæta þess við talningu atkvæða að kynjahlutföll séu í samræmi við þetta ákvæði.

Kjörnefnd skal jafnframt leitast við að framboð til stjórnar sé í samræmi við kynjahlutföll.“

Einungis er heimilt að bjóða sig fram til tveggja embætta.

Þeir aðilar sem hyggjast bjóða sig fram til stjórnar þurfa að fylla út ,,Tilkynningu um framboð“ og senda skannað eintak á netfangið [email protected] eða afhenda á skrifstofu SSF Nethyl 2E, 110 Reykjavík í síðasta lagi þann 16. febrúar 2022. ,,Tilkynningu um framboð“ má nálgast á eftirfarandi slóð:  eydublad2022-kosningstjornarssf

Kjörnefnd hvetur konur jafnt sem karla til að bjóða sig fram.

Þeim sem óska frekari upplýsinga um stjórnarkjörið eða tilkynningu um framboð er bent á að hafa samband við kjörnefnd á netfangið [email protected].  Í kjörnefnd sitja Guðlaugur Gunnarsson fyrir hönd FSLÍ, Gísli Logi Logason fyrir hönd SÍ, Guðbjörg Þorsteinsdóttir fyrir hönd Trúnaðarmannaráðs Arion banka, Halla Guðmundsdóttir fyrir hönd Valitor og Margrét Bragadóttir fyrir hönd SSF.