Launahækkun frá 1. apríl 2022

Í kjarasamningum SSF og SA (SFF) eru ákvæði um „hagvaxtarauka“.

Til þess að virkja hagvaxtaraukann 2022 þurfti hagvöxtur á mann að verða meiri en 1% árið 2021.

Fyrir árið 2021 hækkaði hagvöxtur á mann um 2,53% skv. útreikningum Hagstofu Íslands.

Þar með er félagsmönnum SSF tryggð hækkun mánaðarlauna.

Þeir sem eru með lægri laun en 595.000 á mánuði hækka um 10.500 krónur/mánuði.

Þeir sem eru með laun 595.000 og hærri hækka um 7.875 krónur/mánuði.

Hækkunin hjá starfsmönnum á fyrirframgreiddum launum gildir frá 1. apríl 2022, en 1. maí 2022 hjá þeim sem fá greidd laun eftirá.

Ef fyrirtækin ná ekki að greiða fastráðnum starfsmönnum þessa launahækkun núna 1. apríl (niðurstaða um hagvaxtarauka barst seint), þá verður hún greidd með launum 1. maí 2022.