Alloft fáum við fyrirspurnir þess efnis hvort við getum staðfest starfstíma félagsmanna til að framvísa til núverandi launagreiðanda.

Ýmis réttindi eru tengd samanlögðum starfsaldri, s.s. veikindaréttur, orlof og iðgjöld í lífeyrissjóði.  Því miður er það svo að við eigum ekki til á rafrænu formi samfellda iðgjaldasögu félagsmanna, þar sem við tókum DK kerfið ekki í notkun fyrr en um mitt ár 2015. Hinsvegar vitum við hvaða fyrirtæki hafa greitt iðgjöd til félagsins í áranna rás.

Það er því afar mikilvægt að félagsmenn hugi að því við starfslok að fá frá launagreiðanda starfsvottorð yfir starfstíma sinn, til að eiga þegar og ef félagsmaður hefur störf hjá öðru fjármálafyrirtæki. Þá getur félagsmaður haldið áfram að byggja ofan á réttindi sín með því að tilkynna nýjum launagreiðanda samanlagðan starfstíma sem hann á frá því/þeim fyrirtækjum sem hann vann hjá áður, að því tilskyldu að viðkomandi hafi greitt félagsgjöld til SSF.