Kæru félagsmenn til sjávar og sveita. Á morgun miðvikudag rennur út á miðnætti fresturinn til að svara launakönnun SSF. Þetta er allt á réttri leið en mikið vill meira og væri gaman að sjá góðan endasprett og hækkun í svörun. Ekki gleyma því að í 50 umslögum þeirra sem svara launakönnun SSF er að finna vinninga að upphæð 100.000, en mikilvægast fyrir okkur öll er þó að fá sem allra besta svörun.

Nú er engin launatafla svo þetta er tækið til að skoða hvar eðlilegt sé fyrir þig að raðast miðað við aðra í sambærilegri stöðu að teknu tilliti til ýmissa þátta. Niðurstöður könnunarinnar er birt á heimasíðu SSF um leið og búið er að vinna úr henni sem verður væntanlega í lok nóvember. Hversu gott væri ekki að hafa í höndunum svart á hvítu hvar þú ættir að standa ef þér finnst launin of lág!?