Á dögunum samdi SSF við DK hugbúnað ehf. um innleiðingu á sérhæfðu stéttarfélagakerfi. Innleiðingarferlið er þegar hafið og er ætlunin að hefja afgreiðslu á styrkjum úr nýju kerfi í ágúst. Vegna þessa verður að loka fyrir umsóknir í Styrktarsjóð SSF frá 13. júlí til ca. 10. ágúst.
Samkvæmt grein 1.6.2. í Kjarasamningi SSF og SA eiga starfsmenn að fá orlofsuppbót greidda þann 1. júní 2014. Orlofsuppbótin er kr. 39.500,- fyrir fullt starf á nýliðnu orlofsári frá 1. maí 2013 til 30. apríl 2014. Fullt ársstarf telst í þessu sambandi 45 unnar vikur eða meira fyrir utan orlof. Uppbótin greiðist þann 1. júní miðað við starfshlutall og starfstíma á orlofsárinu, öllum starfsmönnum sem verið hafa samfellt í starfi…
Hið árlega Keilumót SSF var haldið með miklum glæsibrag í Keiluhöllinni í Öskjuhlíð dagana 27. mars og 3. apríl. Alls voru þrettán lið skráð til leiks. Sjá myndir frá verðlaunaafhendingu hér.
Vegna formannafundar er skrifstofa SSF lokuð fimmtudag 10. apríl og föstudag 11. apríl. Minnum á að hægt er að senda fyrirspurnir á [email protected]. Ef erindið er brýnt, vinsamlegast hringið í síma 8686988 (Hilmar) Starfsfólk SSF
1. tölublað SSF blaðsins árið 2014 er komið út, blaðið má nálgast hér á síðunni undir ,,Bókasafn". Hér er einnig linkur beint á blaðið: SSF blaðið
Kjarasamningar sem undirritaðir voru þann 11. mars 2014 milli SSF og SA voru samþykktir í allsherjar atkvæðagreiðslu meðal félagsmanna SSF. Sjá niðurstöðu hér. Efni samningsins má lesa hér. Stjórn SSF
Í dag, þriðjudaginn 11. mars 2014, undirrituðu formenn samninganefnda SSF og SA nýjan kjarasamning sem gildir frá 1. febrúar 2014 til og með 28. febrúar 2015. Samningurinn byggir á sáttatillögu Ríkissáttasemjara sem lögð var fyrir stéttarfélög á almennum vinnumarkaði og undirritaðir 21. febrúar 2014. Kosið verður um kjarasamninginn í allsherjar atkvæðagreiðslu meðal félagsmanna SSF dagana 17. - 19. mars 2014. Efni samningsins má lesa hér.
Nú er búið að draga úr réttum innsendum lausnum á hátíðarkrossgátunni sem var í síðasta SSF blaði. Vinningshafar eru eftirfarandi og fengu þeir send gjafabréf: Auður Ösp Jónsdóttir Björn Tryggvason Elínborg Þorsteinsdóttir María Guðnadóttir Vala Guðbjartsdóttir Óskum við þeim til hamingju með vinningana og þökkum jafnframt öllum þeim sem tóku þátt. Starfsfólk SSF
Á undanförnum vikum hafa farið fram óformleg samtöl fulltrúa SSF og SA um kjarasamninga fyrir félagsmenn SSF, sem gilda eiga út árið 2014. Því miður hafa þessi samtöl engu skilað öðru en því að SA býður SSF kjarasamning sem nær eingöngu felst í 2,8% launahækkun. Kostnaðarauki fjármálafyrirtækjanna af slíkum samningi væri innan 3,0% marka, en kostnaður kjarasamninga á almennum vinnumarkaði er tæplega 4,0% (sjá viðtöl við Þorstein Víglundsson framkvæmdastjóra SA…
Dagana 12-13. febrúar 2014 fara fram trúnaðarmannakosningar SSF. Nánari upplýsingar hér á síðunni undir Trúnaðarmenn/Kosning trúnaðarmanna.