Í tengslum við nýgerðan kjarasamning SSF og SA fá félagsmenn SSF launaleiðréttingar afturvirkt frá 1. apríl 2019 og á að greiða þá leiðréttingu með launum 1. júlí.

Launahækkun kr. 17.000 miðað við fullt starf greiðist afturvirkt frá 1. apríl. Þeir sem eru með fyrirframgreidd laun eiga því inni 3×17.000 og þeir sem eru á eftirágreiddum launum eiga inni 2×17.000.

Orlofsuppbót sem greidd var þann 1. júní sl. var kr. 48.000 en samkvæmt nýgerðum kjarasamningi átti uppbótin að vera kr. 50.000. Því eiga félagsmenn að fá þessar 2.000 krónur sem munar með launum 1. júlí.

Einnig á samkvæmt samningnum að greiða sérstakt álag á orlofsuppbót kr. 26.000, kemur til greiðslu 1. júlí. Þetta álag greiðist í sama hlutfalli og orlofsuppbót sem greidd var þann 1. júní sl.

Mánaðarlaun allra félagsmanna SSF eiga því að hafa hækkað um kr. 17.000 frá og með 1. apríl 2019 (miðað við fullt starf).