Norræn samtök starfsmanna fjármálafyrirtækja (NFU) auglýsa:

NFU – Norræn samtök starfsmanna fjármálafyrirtækja leita að yfirmanni Evrópusambandsmála til að ganga til liðs við teymið okkar í Stokkhólmi. Staðan er tímabundin frá 7. ágúst 2017 til 29. júní 2018.

Yfirmaður Evrópusambandsmála er ábyrgur fyrir verkefnum NFU sem tengjast ESB. Viðkomandi þarf að búa yfir góðri málfærni og skriffærni og vera staðfastur í því að inna af hendi fyrsta flokks vinnu. Hann eða hún þarf að eiga einstaklega gott með mannleg samskipti og búa yfir krafti og löngun til þess að leggja sitt af mörkum. Þá er mikilvægt að viðkomandi hafi í heiðri grunngildi stéttarfélaganna.

Í starfinu felast m.a. þessi verkefni: að fylgjast með, skilgreina og hafa áhrif á þróun í löggjöf ESB varðandi fjármálageirann; að samræma og koma á framfæri málefnum NFU gagnvart ESB; að viðhalda og stækka tengslanet norrænna og evrópskra samstarfsmanna, svo og þeirra sem taka ákvarðanir hjá ESB; og skipuleggja málstofur og fundi. Staðan krefst reglulegra ferðalaga.

NFU er með litla en kunnáttumikla stjórnardeild sem vinnur á síbreytilegum alþjóðlegum vettvangi. Staðan felur í sér verulega ábyrgð – en um leið frábær tækifæri til þess að móta ESB-málin hjá NFU.

Hæfniskröfur: Umsækjandi þarf að vera með háskólagráðu í lögfræði eða stjórnmálafræði, og a.m.k. 3ja ára starfsreynslu á svipuðum vettvangi. Krafist er góðrar kunnáttu í Norðurlandamáli (dagleg samskipti á skrifstofunni fara fram á sænsku) og afbragðskunnáttu í ensku (talaðri og ritaðri). Reynsla af vinnu varðandi löggjöf og stjórnmál er ákjósanleg, svo og reynsla og þekking á lagasetningu ESB og fjármálamarkaðinum á Norðurlöndunum og í Evrópu.

NFU býður samkeppnishæf laun og góð vinnuskilyrði í dýnamísku og alþjóðlegu umhverfi. NFU vinnur samkvæmt kjarasamningi – fulltrúi stéttarfélagsins er Annika Stenström (+ 46 704 147 770).

Umsóknarfrestur og viðtalstímar: Vinsamlegast sendið umsókn og ferilsskrá á ensku til setts aðalritara, Ellu Sjödin ([email protected]) í síðasta lagi þann 23. apríl nk. Viðtöl munu fara fram í byrjun maí í Stokkhólmi. Nánari upplýsingar um stöðuna veitir Ella Sjödin: +46 705 46 53 10.

Um NFU: Sjá meira um NFU á vefsíðunni www.nordicfinancialunions.org