Streita veldur sálarlegri vanlíðan og líkamlegu álagi. Vinnutengd streita myndast þegar kröfur í starfsumhverfinu er umfram getu og stjórn starfsmanns. Breytingar, sífellt álag, áreiti, samskipti og tímaleysi eru þættir sem eru ráðandi í okkar daglega lífi og koma ójafnvægi á líf okkar. Streitan er lúmsk og það er ekki fyrr en einkennin eru farin að láta verulega á sér kræla sem við veitum þeim athygli.
Fyrstu einkenni streitu eru oft spenna, skapbreytingar og svefntruflanir. Alvarlegri einkenni eins og depurð, kvíði, vöðvabólgur og verkir geti komið fram ef ekki er brugðist við streitu. Langvinn streita getur farið á sjúklegt stig og þá bætast við fyrri einkenni ýmis geðræn einkenni eins og truflun á einbeitingu, gleymska og margskonar óþægileg líkamleg einkenni eins og langvinnur höfuðverkur, þyngsli fyrir brjósti, verkir í kvið og fleira. Langvarandi streita getur einnig aukið líkur á öðrum veikindum svo sem liðverkjum, astma og mígreni.

Í trúnaðarmannahandbók SSF má finna nýjan og ítarlegan kafla um streitu, streitueinkenni, áhættuþætti streitu og fyrirbyggjandi atriði gegn óþarfa streitu.
Nánar má lesa um streitu hér.